15-мартдиз Дагъустандин Кьил Сергей Меликова РФ-дин Хатасузвилин Советдин Секретарь Николай Патрушеван регьбервилик кваз Грозный шегьерда кьиле фейи совещанида иштиракна. Ам Кеферпатан Кавказда милли хатасузвал таъминаруниз талукьарнавайди тир.

“Лезги газетдиз” РД-дин Кьилин пресс-къуллугъди хабар гайивал, мярекатдин сергьятра аваз экономикадин, государстводин, жемиятдин хатасузвилиз талукь месэлаярни экстремизмдинни терроризмдин тешкилатриз аксивалунин жигьетдай кьабулзавай алава серенжемар веревирдна.

Совещанидал инфраструктурадин кар алай объектар, гзаф кьадар инсанар кIватI жезвай чкаяр кьетIен гуьзчивилик кутун важиблу тирди къейдна ва и жигьетдай СКФО-дик акатзавай регионрин кьилериз са жерге тапшуругъар гана. Украинада арадал атанвай гьалар фикирда кьуна, совещанидин иштиракчийри милли хатасузвал таъминарунин месэлайризни кьетIен фикир гун лазим тирди къейдна.

Гегьеншдиз РД-дин Кьилин официальный сайтдай кIелиз жеда.

Агьмед  Магьмудов