Бубад ватан, хайи Муграгъ,

Гьамишанда рикIиз уртах .

Рагъ кьилеллай экуь  макан,

Бубайрин кIвал, руьгьдин дарман.

 

Шалбуз дагъдиз къаншар авай,

Бубадин хуьр, яшар авай,

Дагъда хайи шегьер я вун,

Лезгистандин  сегьер я вун.

 

Фидайла ви этеграй тIуз,

Зуьрнедин ван къведа япуз.

Рушар женнетд емишар я,

Ви гамарин нехишар я.

 

Мублагь никIер, чуьллер, багълар,

Нур чкIанвай къацу дагълар,

Ви руьгь, ви чан даим я сагъ,

Бубад ватан, хайи Муграгъ!

Юсиф Саркаров