Алай йисан гатфариз ва зулуз республикада 900 гектардин майданра цIийи уьзуьмлухар кутун фикирдиз къачунва.
“Лезги газетдиз” Дагъустандин Минсельхозпроддин пресс-къуллугъди хабар гайивал, алай йисан гатфариз зегьметчийрин вилик 468 гектардин майданра уьзуьмлухар кутунин везифа акъвазнава. Идакайни 356 гектарда цIийи уьзуьмлухар гьеле кутунва. “Зулуз мад 432 гектардин майданра “ракъинин кагьрабайрин” чубукар кутада. Алай вахтунда Дагъустанда уьзуьмлухрин майданар 25 агъзур гектардив агакьнава. Идакай 18 агъзур гектар бегьердал атанвай уьзуьмлухри кьунва”, — малумарна Дагъустандин Минсельхозда авай чешмеди.
Идалайни гъейри, цIинин йисуз республикада 180 агъзур тонндив агакьна ципицIар кIватI хъувун планламишнава.
«Лезги газет»
