Республикада прунз гьялдай завод ва якIун пуд комбинат ишлемишиз вахкун патал гьазурвилер аквазва.
РД-дин хуьруьн майишатдин ва недай суьрсетдин министерстводи хабар гузвайвал, а карханаяр Къизляр, Ахцегь ва Къаякент районра, гьакIни Кьиблепатан Сухокумскда кардик кутада.
ИкI, Къизляр райондин Сарсар хуьре прунз гьялдай завод мукьвал вахтара ишлемишиз вахкуда. Адавай суткада 120 тонн продукция гьазуриз жеда.
Ахцегь районда эцигзавай якIун комбинат гьазурвилин дережа 98 процентдиз, амайбур гьазурвилин дережа, талукь тирвал, 80 ва 30 процентдиз барабар я.
ЯкIун комбинатра къарамалар ва лапагар тукIунилай гъейри, як гьялунал, дулдурмаяр ва якIун маса продуктар гьазурунал машгъул жеда.
«Лезги газет»
