Алай вахтунда Ахцегьа А.Мукьтадиран тIварунихъ галай ял ядай багъ цIийи хъувунин кIвалахар кьиле физва. Идакай «Лезги газетдиз» райондин администрациядин пресс-къуллугъди хабар гана.

Алатай асирдин 50-йисара арадал гъайи парк алай вахтунда инсанривай ял ягъиз жедай хьтин гьалда амачир. Чешмеди къейдзавайвал, мукьвал вахтара Ахцегь хуьруьн кьибле патан агьалийривай цIийи хъийизвай багъда къулай жуьреда ял ягъиз жеда. Ина кьиле тухудай кIвалахрин план гьеле гатфарихъ малумарнай. Пландин бинедаллаз, парк алай аямдив кьадай гуьрчег, къулай гьалдиз хкида.

«Лезги газет»