РД-дин образованидин ва илимдин министерстводи “Хуьруьн (Земский) муаллим” проектда иштиракун патал арзаяр кьабулиз гатIуннавайдан гьакъиндай хабар гузва. Проектди хуьрерин школайра муаллимрин патахъай авай кьитвал алудунин месэла гьялун лазим я. Алай вахтунда хуьрера 249 кас муаллимар бес жезвач.
Проектда гьар са муаллимдиз миллион манатдин кьадарда аваз садра пулдин такьатар чара авун къалурнава. А такьатар кIвалахун патал хкянавай чкада яшайишдин кIвал къачун (эцигун), ремонтдин кIвалахар кьиле тухунин гьакъи гун, гьакIни яшайишдин шартIар яратмишун патал серф ийиз жеда.
Алай йисуз проектда иштирак авун патал 50 кас хкянава. Проектда иштиракзавай ксарин яшар 50 йисал кьван хьана кIанда. Хуьруьн школада вад йисалай тIимил тушиз вахтунда кIвалахунин шартI эцигзава.
Арзаяр электронный почтадай кьабулзава: uoodagminobr.ru. Арзада фамилиядилай, тIварцIелай ва бубадин тIварцIелай, алакъа хуьниз талукь делилрилай гъейри, кIвалахзавай чка, къуллугъ, образование ва яшамиш жезвай чка къалурун герек я. Министерстводин пешекаррихъ галаз меслятар авун патал телефондин агъадихъ галай нумрадиз зенг ийиз жеда: 8 (8722) 67-84-71.
«Лезги газет»
