Москва шегьердин гьукуматди Махачкъаладин администрациядиз 15 троллейбус багъишнава. Абурукай сифтегьан пуд чи республикадиз агакьнава. Амайбурни алай вацра агакьун лазим я.
Махачкъаладин мэриядай хабар гайивал, меркездин троллейбусрин управленидин пешекарри, Москвадиз фена, троллейбусар хкянай. Абур вири капитальнидаказ ремонтнава ва и мукьвара линийриз рекье твадайвал я. Ихьтин пишкешдин патахъай алатай йисан февралдиз кIвалахдин рекьяй кьиле фейи гуьруьшдал икьрар хьанай. 2017-йисан июлдиз уьлкведин меркезда кьиле фейи шегьеррин месэлайриз талукь форумдал Москвадин гьукуматдини Махачкъаладин администрацияди санал кIвалахунин ва транспортдин инфраструктура вилик тухунин рекьерай сада-садаз куьмекунин жигьетдай меморандумдал къулар чIугунай.
Чи мухбир
