РД-дин здравоохраненидин министр Татьяна Беляевадин гафаралди, республикада коронавирус акатзавайбурун кьадар тIимил жез башламишнава. Амма гьа са вахтунда тIегъуьндик рекьизвайбурун кьадар тIимил жезвач. Духтурханайра, реанимациядин отделенийра четин гьалда авай азарлуяр гзаф ама.

Къейд ийин хьи, 25-августдин делилралди, Дагъустанда стIалжем ва коронавирус акатнавайбур 64 духтурханада кьабулзава, азарлуяр патал инра 5835 чарпай кардик кутунва. РикIел хкин, коронавирусдин пуд лагьай лепедин виридалайни къизгъин арада чарпайрин кьадар 6500-лай алатнавай.

Алай вахтунда Дагъустанда 354547 касди коронавирусдиз акси рапар янава.

«Лезги газет»