Рубаияр

Ви цIарар эзбердай атанва аям,

Рубаийрин сагьиб — эй, Омар Хайям!­

Кьуд патаз килигиз, тахьана серсер,

Ви рехъ давамариз гатIунна Марьям!

 

* * *

Рахазва рикI, ишез вири чIаларал,

Тазва гелер, кхьиз лацу чарарал.

Цуьк тавунмаз уьмуьр завай къакъудна,

Зи мурадри лепе гузва гарарал.

 

* * *

Магьрум тахьуй инсан вич са куьнихъни,

Файда жедач вун Кябедал финихъни­.

Бахт тахьунин накъвар жеда вилерал,

Дердерин сел къвада, валлагь, кьилерал.

 

* * *

Четин кар я, инсанвилин рекье хьун,

Мадни четин — акьул масдан кьиле тун…

И дуьньядал виридалай герекди,

Тушни бес лагь, жуван намус вине хьун?!

Марьям Алискерова, Хив район