Гьар са халкьдихъ вичин къагьриман рухваяр ава, гьар са хуьруьхъ — вичин кьегьаларни. Ватан, адан гележег патал хъсанвал, кьегьалвал авур касдиз чухсагъул лугьун вири инсанриз хас я.

Заз къе Ярагъ-Къазмайрин кьегьал рухваяр тир Абдулгьамидов Аликазни Низамидиз сагърай лугьуз кIанзава. Вич хуьре авачтIани, ана школа хьун патал еке чалишмишвал авур касдиз гьикI сагърай лугьудач?! Чи хуьруьн школа лап усал гьалда авай. Ана чимивал хьун патал Низами Абдулгьамидова вичин пулунихъ мектебда турбаяр туна.

Алик Абдулгьамидова РФ-дин Прези­­дент В.Путиназ гайи суал­дини ван авуна. Къе чахъ вири къулай шартIар авай мектеб хьанва.

Чпел хуьруьн гьи агьали гьалтайтIани, и стхайри алакьдай ви­­ри куьмекар гуда. Меркезда яшамиш жезватIани, къе чIалаз ар­тух фикир тагузвай вахтунда, Низами Абдулгьамидован аялар михьи­ лезги чIалал рахазва. Имни, гьелбетда, адан еке ватанпересвилин лишан я. Хайи чIал хуьзвай, хуьруьнвийрин дердиникай хабар кьаз­вай Абдулгьамид муаллимди тербия ганвай и кьегьалриз заз чи хизандин  ва вири муаллимрин патай мукьвара къейднавай Ватан хуьдайбурун югъ мубарак ийиз ва сагърай лугьуз­ кIанзава.

Севил Мегьамедрагьимова (Исмаилова), Ярагъ-Къазмайрин юкьван школадин лезги чIаланни
литературадин муаллим