Малум тирвал, и йикъара уьлкведин Президент Владимир Путина вичин къарардалди пенсионеррихъ галаз санал военный къуллугъчийризни, къанун-къайда хуьдай органрин векилризни 10-15 агъзур манатдин кьадарда аваз пул чара авунва.

Каспийск шегьерда яшамиш жезва ва республикадин къанун-къайда хуьдай органра кIвалахзавай Рустам Магьмудова гьисабзавайвал, уьлкведин кьилевайбуру Урусатдин армия, къанун-къайда хуьдай органрин къурулуш мягькемди, тамамди хьун патал гзаф серенжемар кьабулзава.

«И йикъара кьиле физвай «Армия-2021» форумди чи уьлкведихъ гьихьтин къудратлу армия аватIа къалурна. Ам гьахьтин хьуниз Урусатдин регьберри кьетIен фикир гузва. Пенсионеррихъ галаз санал военный къуллугъчийризни, къанун-къайда хуьдай орнагрин векилризни пулдин такьатар чара авуни и хилез артух фикир гузвайдан гьакъиндай шагьидвалзава. Ихьтин камуни са патахъай чак руьгь кутуна, муькуь патахъай куьмекни хьана. Инлай кьулухъни намуслувилелди Ватандиз къуллугъиз гьазур я», — къейдна Р.Магьмудова чи газетдин мухбирдихъ галаз кьиле фейи рахунра.

«Лезги газет»