Мукьвара уьлкведин президент Владимир Путинан къарардалди вири пенсионерриз 10 агъзур манатдин кьадарда аваз пул гудайвал я. И хабарди чи шегьерра, хуьрер авай гзаф пенсионеррик шадвал кутуна.

Ери-бине Ахцегь райондай тир Аскер Хийирова къейдзавайвал, государстводи яшара авай инсанрин жигьетдай къайгъударвал малумарун уьлкведин кьилевайбур яшайишдин шартIар хъсанарунин къайгъуйрик ква лагьай чIал я.

«Уьлкведин регьберди агьалийрин яшайиш хъсан хьуниз кьетIен фикир гузва. Пенсионерриз чара авунвай пул им и рекье нубатдин кам я. Яшлубурун хьиз, государстводи жегьилрин гьакъиндайни къайгъударвал малумарзава. Им анжах хушдиз кьабулиз жедай кар я», — лагьана пенсионерди.

«Лезги газет»