22-апрелдиз республикадин Гьукуматдин Председателдин Сад лагьай заместитель Анатолий Къарибован регьбервилик кваз кьиле фейи совещанидал Махачкъалада Вирироссиядин “Рекьин тийир полк” акциядин сергьятра аваз серенжемар тешкилунин ва кьиле тухунин месэладиз килигна.
Совещанидин кIвалахда талукь тир министерствойрин ва ведомствойрин векилри, муниципальный тешкилатрин кьилери ва жавабдар маса къуллугъчийри иштиракна.
Анатолий Къарибова къейд авурвал, 9-Майдиз гьазурвал акунин вири серенжемрик республикадин “РикIел хуьнин вахта” акцияди кьил кутада. Ам Махачкъалада 25-апрелдиз Ленинский комсомолдин тIварунихъ галай паркуна башламиш жеда. Гьа и юкъуз край чирдайбурун — гел жагъурдайбурун телеотрядрин (ТОКС) 49-слет кьиле тухуда. Ам пуд юкъуз давам жеда.
Анатолий Къарибова малумарайвал, 9-Майдиз, адет хьанвайвал, Махачкъаладин кьилин майдандал “Гъалибвилин ирссагьибар” мярекатдин иштиракчияр кIватI жеда. Ахпа абур Азадвал гъайи аскердин памятникдал цуьквер эцигиз фида.
«Лезги газет»
