РД-дин тамарин майишдин крарай Комитетдин председатель Вагьаб Абдулгьамидова тамухъанрал цIаяр кьунин вилик пад кьунин месэладай туристрихъ галаз суьгьбетар тухун тапшурмишнава.
Идарадин пресс-къуллугъди хабар гузвайвал, Самурдин тамарин майишатдин руководителдин заместитель ва участковый, тама авай гьал ахтармишзавай вахтунда, Тольятти шегьердай тир туристрин дестедал гьалтна. Пешекарар мугьманрихъ галаз цIаяр кьунин вилик пад кьадай серенжемрикай, инсанри чеб тама тухун лазим тир къайдайрикай рахана.
«Тамухъанри туристриз Самурдин тамун къиметлувиликай, ина авай набататрин ва гьайванрин алемдин кьетIенвилерикай ва абуруз зарар тагун патал гьихьтин къайдайрал амал авуна кIанзаватIа, гьадакай суьгьбетна», — лугьузва малуматда.
Къейдзавайвал, туристар гьакIни тама цIай кьунвай дуьшуьшрал гьалтайла вуч авун лазим ятIа, гьи жуьреда ва гьихьтин къуллугъриз хабар гун лазим ятIа, гьадан патахъай тагькимарна.
Ж. Саидова
