РФ-дин ватандашди, паспорт дегишардайла, гузвай госпошлинадин кьадар гьикьван я?
Жаваб: 300 манат. Эгер паспорт дегишарунин себеб документ вич чIур хьунихъ галаз алакъалу ятIа, и дуьшуьшда госпошлинадин кьадар 1500 манат жезва.
Паспорт къачунин патахъай хайи югъ алукьдалди вилик арза вугайтIа жедани?
Жаваб: ваъ. Паспорт дегишарунин кар хайи югъ алукьайдалай кьулухъ 90 йикъан къене кьилиз акъудна кIанзава.
Прописка авун патал гьихьтин документар герек жезва?
Жаваб: жував паспорт хьун лазим я. Идалайни гъейри, прописка ийидайла, яшамиш жезвай чкадин хсусиятчи, кIвалин документарни гваз, арзачидихъ галаз хьана кIанда.
МФЦ-дин идарада вахтуналди регистрация авунин гьакъиндай арза вугайтIа жезвани? Вахтуналди ийизвай регистрациядинни гьамишан регистрациядин арада вуч тафават ава?
Жаваб: жеда. Вахтуналди тир регистрация РФ-дин ватандашриз абур чпин региондай 90 йикъалай артух муддатда масанихъ фидайла, герек жезва.
«Лезги газет»
