• 2004-йисуз Индиядин океанда инсаниятдиз малум тир тарихда виридалайни къуватлу залзала хьана. А чIавуз 300 агъзурдалайни виниз инсанар телеф хьанай.
• Индиядин океандин къерехрив 4 континент гва – Австралия, Антарктида, Африка ва Азия.
• Ци кьунвай Чилин умуми майдандикай 20 процент Индиядин океандал ацалтзава.
• Индиядин океандин умуми майдан 76174000 квадратный километрдикай ибарат я. Ам Австралиядин майдандилай 10 сеферда гзаф я.
• Дегьневилизни умуми майдандиз килигна, Индиядин океан муькуь океанрин арада пуд лагьай чкадал ала. Сад лагьай чкадал Тихий ва кьвед лагьай чкадал Атлантический океанар ала.
• Индиядин океандал и тIвар къерехрив Индия уьлкве гвайвиляй акьалтнава.
• Индиядин океандин сергьятрив 10 гьуьл гва.
• Индиядин океандин ятар аслу тушир 39 уьлкведин сергьятрал ва Франциядилайни Великобританиядилай аслу мулкарал ацалтзава.
• Дуьньяда кьазвай балугърин умуми кьадардикай анжах 5 процент Индиядин океандинбур я.
• Инсанрал нахайри гзафни-гзаф и океандин церани гьуьлера гьужумзава.
• Индиядин океандин кIане, Маврикий островдин патав, халисан хьтин чарчар ава. Къум авахьна физвайвиляй ам халисан чарчардиз ухшар я.
• ХъуьтIуьн вахтунда виридалайни чими яд Индиядин океанда жезва.
• Индиядин океандин кIане цIиргъина авай дагълар ава. Абур пешекарриз цIуд йис идалай вилик жа­гъана.
• Къадим девирдин грекри и океандиз Эритреядин гьуьл лугьузвай.

«Лезги газет»