20-февралдиз Махачкъалада, ДГПУ-дин филологиядин факультетда, Дагъустандин вузра филологиядин ва Дагъустандин филологиядин факультетра кIелзавай студентрин арада лезги публицистикадай конкурс кьиле фида. Ам сятдин 11-даз гатIунда.
Мярекат тешкилзавайбур Алкьвадар Гьасанан тIварцIихъ галай медениятдинни марифатдин центр, ФЛНКА ва “Лезги газетдин” редакция я.
Хайи чIалан Международный йикъан сергьятра аваз тухудай мярекатдин иштиракчийри конкурсдин вилик малумардай темадай хайи чIалалди публицистикадин очерк кхьида.
1-чка кьурдаз — 30, 2-чкадиз лайихлу хьайидаз 20 агъзур манатдин кьадарда аваз пулунин пишкешар гуда. 3-чкаяр пуд жеда ва гьар са чка патал 10 агъзур манатдин кьадарда аваз пулунин пишкешар тайинарнава. Гъалибчийриз гьакIни дипломар ва ктабар багъишда.
Къейд ийин хьи, конкурсдиз акъатзавай пулунин такьатар ФЛНКА-ди вичин хивез къачунва.
«Лезги газет»
