И йикъара РД-дин Гьукуматдин вице-премьер Нариман Абдулмуталибов республикадин ветеринариядин лабораториядин кIвалахдихъ галаз таниш хьана.

Лагьана кIанда, Дагъустанда авай ветеринариядин лаборатория СКФО-да махсус аккредитация авай тек сад я. Анин директордин заместитель Мустафа Мегьамедован гафаралди, региондин гьукуматдин куьмекдалди эхиримжи кьве йисан къене лаборатория патал  мониторингдин ва диагностикадин тадаракралди таъминарнавай махсус улакь, газдин хроматограф, ртутдин анализатор, спектрометр ва маса алатар къачунва. И макьсадриз, санлай къачурла, 50 миллион манат пул харжнава.

Алатай йисуз ветеринариядин лабораторияди 511729 ахтармишун кьиле тухванва. Ахтармишунар Махачкъала, Каспийск шегьерра ва са шумуд районда тешкилнавай. Кьилди къачуртIа, лабораториядин пешекарри якIун ва некIедин суьрсетдин еридиз къимет гузва.

Алай вахтунда Дагъустандин 12 районда и лабораториядин филиалар ава.

Агьмед Магьмудов