5-августдиз Австралиядин Мельбурн шегьерда ММА-дай кесерлу турнир кьиле фена. Чна виликдай хабар гайивал, ана лезгийрин машгьур спортсмен Жабар Аскеровани иштиракна.
Бине ЦIийи Гвинеядай тир Жонотан Тухудихъ галаз кьиле фейи бягьсина чи ватанэгьли гъалиб хьана. Ж.Аскерова гьасиррал кьиле фейи гуьруьш нокаутдалди акьалтIарна.
* * *
“Лезги спорт” порталди хабар гузвайвал, 6-7-августдиз Москвада грэпплингдай 18-20 йисарин яшара авай спортсменрин арада Урусатдин кIвенкIвечивал патал акъажунар кьиле фена.
Турнирда чи ватанэгьлийрини иштиракна. Абурукай Гьабиб Атлуева — 1, Абдуллагь Гьажиева, Ислам Абдуллаева ва Имам Жамирзиева 2-чкаяр кьуна.
«Лезги газет»
