22-28-сентябрдиз Сочида алай аямдин журналистикадин “Вири Россия-2022” (12+) XXVI форум кьиле фида. Адет яз, ана Россиядин вири регионрай ва дуьньядин гзаф уьлквейрай журналистри иштиракзава.
Форумдин программадин сергьятра аваз машгьур журналистрихъ, медиаиндустриядин хилен пешекаррихъ галаз гуьруьшар, элкъвей столар, гьуьжетрин клубар, мастер-классар кьиле фида. Гьамиша хьиз, выставкайрин центрани, телевизионный мугьманханани кардик жеда.
Гегьенш мярекатрин сергьятра аваз Россиядин журналистрин Союздин конкурсдин, журналиствилин лап хъсан эсеррай, алай аямдин журналистикадин форумдин яратмишунрин конкурсрин гъалибчийрив, курортдин шегьер тир Сочидиз бахшнавай журналиствилин материалрин конкурсдин дипломантрив шад гьалара шабагьар вахкуда. Форум Сочидин “Жемчужина” мугьманханада кьиле фида.
Къейд ийин, Дагъустандин журналистрин делегациядик кваз форумда “Лезги газетдин” кьилин редактор Мегьамед Ибрагьимовани иштиракда.
«Лезги газет»
