Къведай йисуз туриствилин кешбэкдин программа 18-январдилай 12-апрелдалди кардик жеда. Ихьтин къарар Россиядин гьукуматди кьабулнава.
Программадин метлеб ихьтинди я: “Мир” картадин куьмекдалди сиягьатчийривай мугьманханайрин ва путевкайрин гьакъи гуз ва къиметдин кьадардикай 20 процент вахчуз жеда. Амма 20 агъзур манатдилай артух вахчуз жедач.
18-январдилай 30-апрелдалди уьлкведин гьар гьи региондиз хьайитIани физ жеда. Программа кьилиз акъуддай макъам атайла, туриствилел машгъул ксари чпин теклифар “мирпутешествий.рф” сайтда раижда.
2021-йисан эвел кьилерилай и программадикай саки 1,7 миллион россиявиди менфят къачуна.
«Лезги газет»
