И йикъара Дагъустан Республикада инсандин ихтияррин рекьяй Уполномоченный Жамал Алиев УФСИН-дин (Управление Федеральной службы исполнения наказаний) Къумторкъала райондин ЦIийи Тюбе посёлокда кардик квай 7-нумрадин ИК-диз (дустагънавайбур дуьз рекьел хкидай колония) мугьман хьана. Идакай чаз Дагъустан Республикада авай УФСИН-дин пресс-къуллугъди хабар гана.
Колониядин начальник Гьажимурад Саламовахъ ва республикадин УФСИН-дин УИС-да (Уголовно-исполнительная система) инсандин ихтиярар хуьнин рекьяй куьмекчи Рашид Зайнулабидовахъ галаз омбудсмен анин общежитидин, ШИЗО-дин, ПКТ-дин, карантиндин отделенидин, столовойдин дараматра къекъвена. Дустагънавайбур хуьзвай, абуру зегьмет чIугун ва ял ягъун патал тешкилнавай шартIар, материально-бытовой ва медико-санитарный рекьерай абурун таъминвал, тIуьн тешкилнавай тегьер ахтармишна.
Мадни и юкъуз Ж.Алиева дустагънавайбурун хсуси месэлайрихъ яб акална. Адан сергьятра аваз мугьманди азадвиликай магьрумнавай ксар уголовно-исполнительный законодательстводин, дустагънавайбурун ихтияррин ва мажбурнамайрин истемишунрин гъавурда туна, гьакIни абурун са жерге суалриз жавабар гана.
Гуьруьшдин вахтунда дустагънавайбурукай чеб хуьзвай шартIарилай наразивал къалурай ва арза авур кас хьанач.
Эхирдай Ж.Алиева колониядин кьиле авай ксариз РФ-дин Генпрокуратурадин къуллугъчийри идарада кьиле тухвай ахтармишунин нетижада дуьздал акъуднавай кимивилер арадай акъудун лазим тирдал фикир желбна.
Чи мухбир
