Участокдин сергьятарни майдан регистрация авун, гуьнгуьна хтун, тайинарун – и крар «Зи документар» центрайрин куьмекдалди туькIуьриз жеда.
Сергьятар тайинарунин ва кадастрдин къуллугъар чилин участокдин документар туькIуьрдайла герек я.
Сергьятар дуьздаказ чируни, тестикьаруни къуншийрихъ галаз гьуьжетра гьатунал гъидач, маса гудайлани, четинвилерал ацалтдач. Эгер чилин участокдал кIвал алаз хьайитIа, МФЦ-да галай-галайвал сергьятар тайинарнавай технический план туькIуьрда. МФЦ-дин пешекарри кьиле тухудай алцумунин еридин заминвал геодезиядин вини дережадин дуьм-дуьз тадаракди таъминарзава. И тадаракди лап четин, гьуьжет алай объектар дуьм-дуьздаказ тайинарда.
Пособияр къачун давамаруникай
Аялриз талукь пулунин такьатар къачудай вахт вич-вичелай артухар хъийизвач. Сад тир пособини гьа ихьтинбурук акатзава. И такьатар къачузвайбуру, сифтедай тайинарай вахт куьтягь хьайила, мад сеферда арзаяр вугун хъувуна кIанзава. Аялдин 17 йис тамам жедалди къачузвай и пулунин такьатар гьар 12 вацралай мад сеферда тайинар хъувун герек я.
Пуд йис тамам жедалди аялдиз къвезвай пособини мад сеферда тестикьар хъувун герек тирди рикIел хкизва. И такьатар 2022-йисан 31-декабрдалди аял хайи хизанриз гузва. Ам аялдин са йис, кьве йис ва пуд йис жедалди тайинарзава. Пособидин вахт давамар хъувун патал аял хайи йикъалай кьулухъ гьар сеферда арза вугун герек я.
Дидевилин капиталдай такьатар къачун патални гьар йисуз вахт артухар хъувун герек жезва. Адай пул къачунин шартI ихьтинди я: хизанда авай гьар са касдал гьалтзавай къазанжидин кьадар яшамиш хьунин агъа кIанин кьадардилай артух тахьун лазим я.
«Лезги газет»
