7-июндиз кьиле фейи депутатрин собранидин 13-заседанидал депутатри СтIал Сулейманан райондин кьил яз Саид Мусинович Темирханов хкяна. Икьван чIавалди ада муниципалитетдин кьилин заместитель яз кIвалахзавай.
С.М.Темирханов 1974-йисан 4-майдиз дидедиз хьана. 1991-йисуз хъсан къиметар аваз ДГУ-дин экономика идара авунин факультет акьалтIарна.
Жуьреба-жуьре йисара РД-дин хуьруьн майишатдин министерствода, “Финвестбанк” ФКБ-да, РД-дин казначействодин управленида, Махачкъала шегьердин администрацияда кIвалахна.
2014-йисалай СтIал Сулейманан райондин кьилин заместителдин везифаяр тамамарна.
“Лезги газетдин” редакциядин коллективди Саид Мусинович Темирхановаз цIийи къуллугъ мубаракзава ва халкьдиз къуллугъ авунин рекье адахъ еке агалкьунар хьана кIанзава.
«Лезги газет»
