Докъузпара райондин Миграгъ-Къазмайрин хуьре жаванар ва жегьилар патал спортдин цIийи комплекс ачухунин хабарди чак, гьа дередин вири агьалийрик, шадвилинни дамахдин гьиссер кутунва. Им, дугъриданни, акьалтзавай несилар патал тербиядинни жуьрэтдин, сагъламвал мягькемарунин, халисан ватандашар гьазурунин хъсан чешне хьанва.

Ихьтин имарат эцигай, адаз чпин къуватар, такьатар серф авур, мердвал, жумартвал къалурай вирибуруз, иллаки адан кьилин спонсор Шагьлар  Бухсаеваз, адан хизандиз сагърай, баркалла, куь мумкинвилер мадни артух хьурай лугьузва чна.

Куь жумартвал, мергьяматвал

Мадни артух вине хьурай!

Чи чилерал саламатвал,

Сагъвал кьилин бине хьурай! Амин.

“Муграгъ” тешкилатдин векилар, гьа дередин алимринни яратмишдай ксарин са десте.