Алатай йисуз РФ-дин Федеральный Собранидин Федерациядин Советди, Госдумади, РФ-дин образованидинни илимдин министерстводи, Москва ше­гьер­дин образованидин департаментди ва Россиядин писателрин Союзди куьмек гуналди, халкьарин садвилин “Белые журавлята России” илимдин проектдин сергьятра аваз образованидин идарайра 4-11-классра кIел­завайбурун яратмишунрин Ви­рироссиядин конкурс кьиле тухвана. Ана 7 номинациядай (литературадинни художественный ярат­мишунар, музыкадин яратмишунар, суьрет чIугунин искусство, шикилар ягъун, аялрин гаф, художественный гаф (декламация) ва Россиядин жаван аскерар) аялри чпин устадвал ва бажарагъ къалурна.

И конкурсда “Литературадинни художественный яратмишунар” номинацияда Курхуьруьн 2-нумрадин юкьван шко­ладин 5-классдин ученик  Русланбег  Султанова  кхьей “Работайте, братья!”, “Нет терроризму в России!” кIвалах гъалиб хьана.

Ам Вирироссиядин конкурсдин лауреатвилин тIварцIиз ва 1-дережадин дипломдиз лайихлу хьана.

Лена Саидова