Дербентдин педколледжда, Халкьарин садвилин йикъаз талукьарна, 1-курсара кIел­завай студентрин арада “Спорт хкя­гъа! Сагъламвал хкягъа!” лишандик кваз  спортдин шад акъажунар кьиле фена.

Ана иштиракай гьар са командадихъ вичин ярж ва девиз авай. Акъажунра студентри ругуд эстафетадай (“Разминка”, “Об­ручи”, “Перекати поле”, “Переправа”, “Эрудит”, “Сложная эстафета”) бедендин къуватлувал, зиреквал, зарбвал хьиз, кьа­тIу­нар ва дикъетлувални къалурун лазим тир.

Командайрик квай спортсменри, четинвилерихъай кичIе тахьана, вири патарихъай­ чпин алакьунар ва устадвал къалурна. ИкI, жюриди кьур нетижайрай малум хьайивал, спортдин акъажунра 1-”г” курсунин студентри гъалибвал къазанмишна.

Акъажунра иштиракай вири командайриз дипломарни приздин ширинлухар гана.

Къагьриман  Ибрагьимов