Дербент шегьердин 20-нум­радин юкьван школадин­  11-­клас­сда кIелзавай Фатима­ Шин­гарова, региондин паю­на­­ гъалибвал къазанмиш­на, сад­ лагьай каналдин «Акьул­­луяр» олимпиададин финал­диз­ акъатнава. Ам ихьтин де­ре­жа­див агакьнавай сад ла­гьай ­да­гъустанви я. Телевидени­дин­ «Акьул­луяр» олимпиададин по­лу­финал 14-февралдилай 17-февралдалди Москвада кьиле фена.

Идал къведалди Фатима­ Шингаровади 2023-йисан 28-ап­релдиз кьиле фейи школьник­рин «Дагъустандин акьуллуяр» олимпиадада иштиракнай. Иштиракчийрин чирвилериз Вирироссиядин «Акьуллуяр» гьерекат­дин координатор Карина Князевади, «Содружество» фонду­нин директор Эльвира Аминов­ади, МГИМО-дин профессор Бур­лият Абдулагьидовади ва ДГУНХ-дин проректор Оксана Мутиевади къимет гана. Фатима­ди и акъажунра сад лагьай чка кьуна. Ноябрдиз, декабрдиз кьиле фейи акъажунрани лезги руша гъалибвал масабурув вуганач.

— Заз олимпиадайриз гьазур жез ва зи чирвилер деринариз 5-классдилай тарихдин муаллим  Тайибат Таибовади куьмек гузва, — лагьана Ф.Шингаровади. — Чна алай вахтундани финалдиз гьазур хьун патал чирвилер артухарзава. Зун финалдани гъалиб жез алахъда.

«Акьуллуяр» олимпиададин финал апрелдин вацра кьиле фида.

Абад  Азадов