17-сентябрдиз ДГТУ-да Дагъустанда военно-учебный центр шад гьалара ачухунин мярекатда РД-дин Кьил Сергей Меликовани иштиракна.
— За им гегьенш ва метлеблу вакъиа яз гьисабзава, вучиз лагьайтIа, Дагъустанда военный рекьяй чирвилер гудай сад лагьай центр кардик акатнава. Гила ДГТУ чпе военный рекьяй цIийи жуьредин центраяр тешкилнавай уьлкведин вузрин жергедик экечIнава, — лагьана С. Меликова.
Яру лент атIайдалай кьулухъ С.Меликов центрадин къенепатаз килигна, студентрихъ галаз рахана ва сейли мугьманрин дафтарда сифтегьан кхьинар авуна.
ДГТУ-дин ректор Назим Баламирзоеван гафаралди, цIийи центрада чирвилер къачудай сад лагьай десте 99 касдикай ибарат жеда. Алай вахтунда 33 кас кьабулнава.
«Лезги газет»
