Алатай гьафтеда Махачкъалада РД-дин Кьилин ришветбазвилиз аксивал авунин месэлай­рай кардик квай Уп­равлениди Дагъустандин Общественный палатадихъ (ОП) галаз республикадин государстводин органри ришветбазвилин вилик пад кьун патал кьиле тухузвай кIвалахдиз талукьарнавай конференция тешкилнавай.

Вичин рахунра РД-дин ОП-дин председатель А.Черкесова къейд авурвал, ришветбазвилиз акси яз кьиле тухузвай кIвалахда жемиятдин арада и «тIегъуьн» та­кIа­нардай мярекат тешкилунихъ еке метлеб ава. И рекье гьам жеми­ят­дин тешкилатар, гьамни государстводин органар сад хьун герек я.

Конференциядал РД-дин Кьи­лин винидихъ тIвар кьур Уп­рав­­ленидин начальник М.Ген­жеха­нов, Да­­гъустандин про­ку­ра­­ту­ра­­дин­­ отделдин прокурор­ М.Гьамза­лаев, РД-дин­ МВД­-дин от­делдин­ на­чальникдин заместитель Б.Гьа­жи­ев ва ма­­­­сабур рахана. Чпин док­лад­ра абуру государстводин органри ришветбаз­вилиз акси яз кьиле тухузвай кIвалахдикай гегьеншдиз суьгьбетна.

Саки вирида, граждан­ви­­лин же­миятдин ишти­рак­вал­ авачиз, ришветбазви­­­лиз­ акси яз кьабулзавай се­рен­жемрихъ­ менфятлувал тежедайди къейдна. Абуру гьи­саб­завай­вал, и кIвалах­дал же­миятдин институтар, тешки­латар, илимдин, СМИ-рин векилар­, карчивилел машгъул жезвайбур ва масабур желб авунихъ метлеб ава.

Чи мухбир