Бакуда алай йисуз вичин 60 йис тамам хьанвай лезги вах, иер зари, лезги эдебиятдин «Марвар» кIватIалдин даяхни дамах тир Римма Гьажимурадовадин «Зулун пешер» тIвар алай гьикаятдин ктаб чапдай акъатна. Идакай лезгийрин шаир Эйваз Гуьлалиева Фейсбукдай хабар гана.

Лагьана кIанда, «Зулун пешер» Римма Гьажимурадовадин къелемдикай хкатнавай кьвед лагьай ктаб я.

Гьикаятдин шиирар, гьикаяяр, эссеяр, макъалаяр, махар, гьайванрикай кьисаяр, монологар, къемедаяр, гьакIни бадедин махар вири санал ктабда са иер кIунчI хьанва.

Чна чи къелемдин вах Римма Гьажимурадовадиз цIийи ктаб акъатун мубаракзава ва адахъ мадни еке агалкьунар хьана кIанзава.

«Лезги газет»