Дагъустан Республикадин Гьукуматдин Председатель Артем Здунова региондин чирвилер гудай государстводин ва муниципальный идарайрин педагогвилин работникар классдиз регьбервал гунай гьар вацра пулдалди ашкъиламишунин гьакъиндай къарардал къул чIугунва.
Документдал асаслу яз, классдиз регьбервал гунай гьар вацра пулдалди ашкъиламишун яз, 5 агъзур манат РД-да сифтегьан умуми, асул умуми ва юкьван умуми образование гунин программаяр, гьа гьисабдай пайгардик кутунвай умуми образованидин асул программаяр уьмуьрдиз кечирмишзавай государстводин ва муниципальный чирвилер гудай идарайрин педагогвилин работникриз гуда.
Педагогвилин работникди кьве классдиз ва адалай гзаф классриз регьбервал гузваз хьайитIа, классдиз регьбервал гунай гьар вацра чара ийизвай пулдин кьадар 10 агъзур манатдилай алатдач.
И къарар 2020-йисан 1-сентябрдилай къуватда гьатзава.
Чи мухбир
