Вишни къад йис пара вахт туш

Къадим Дербент яшарилай,

Бугь язавайд аждагьан туш,

Ам поезд я, келле галай.

 

Ракьун рельсер лигим хьана,

Тухуз парар шалонралди.

Цементни гъуьр, шалман гъана,

ИчIирзавай вагонралди.

 

Ракьун рекьин къерех тирвал

Шегьерни хуьр пайда хьана.

Амукьзавач шаз акурвал,

Вил тухузва, къайда хьана.

 

Меденивал физва вилик,

ШартIар жезва мадни гъилик.

Урус-дагъви чи дуствилин

Икьрардалла къадакь дуьзгуьн…

Гьажиагъа Мегьамедшерифов