И йикъара СтIал Сулейманан райондин спортдин, туризмдин ва жегьилрин крарин рекьяй комитетди армрестлингдай ЦIийи Макьарин футболдин гъвечIи майдандал жаванрин арада тешкилай районрин уртах турнирда 70-далай виниз спортсменри иштиракна.
Ам ачухуниз талукь шад мярекатдал винидихъ тIвар кьунвай комитетдин директор Чингиз Абдулмежидова, машгьур спортсменар, ДЮСШ-дин тренерар-муалимар тир Малик Тагьирбегова ва Рамидин Къазимегьамедова жаванриз ЦIийи йис тебрикна, акъажунра агалкьунар хьун алхишна.
Къизгъиндаказ кьиле фейи акъажунрин нетижада СтIал Сулейманан райондин — 1, Кьурагь райондин — 2, Ахцегь райондин жаванри 3-чкаяр кьуна. Абуруз кубокар, медалар ва грамотаяр гана.
Рагнеда Рамалданова
