Азаддаказ кьуршахар кьунай дуьньядин кесерлу акъажунра гъалибвилер къазанмишуналди лезги халкьдин руьгь хкажзавай Жабраил Гьажиевакай чна газетда муштулухар мукьвал-мукьвал гузва. Алай йисуз дуьньядин кIвенкIвечивал патал акъажунра къизилдин медаль къазанмишай машгьур спортсмендихъ галаз и йикъара Ахцегь райондин кьил Осман Абдулкеримов гуьруьшмиш хьана…
Райондин администрациядин пресс-къуллугъди хабар гузвайвал, нубатдин гъалибвал тебрик авунин келимайрихъ, чемпиондив чухсагъулдин чар ва пишкеш вахкунихъ галаз сад хьиз, райондин кьили муниципалитетдин агьалийри адан агалкьунрал дамахзавайди ва адахъ рикI кузвайди къейдна. Идалайни гъейри, вичин кардиз ва кьунвай рекьиз вафалу жегьилдивай инлай кьулухъни вичин тIвар гьуьндуьр дережадиз акъудиз жедайдахъ ва, адалай чешне къачуналди, райондин гележегдин несилди сагълам уьмуьр кечирмишунихъ инанмишвал къалурна.
Рагнеда Рамалданова
