Чпиз кьезилвилер (льготы) талукь са жерге ватандашриз пулсуздаказ сагъарунин, ял ягъунин санаторийриз фидай мумкинвал ава. Чкадал кьван тухун ва элкъвена хтунни пулсуз я.

Путевкаяр медицинадин жигьетдай ахтармишай делилрал асаслу яз гузва. Кьилди къачуртIа, ихьтин ксариз талукь я:

— Ватандин ЧIехи дяведин иштиракчийриз, ветеранриз, инвалидриз;

— женгерин гьерекатрин ветеранриз;

— «Гьалкъада хьайи Ленинграддин агьали» ва я «Элкъуьрна кьур Севастополдин агьали» лишанралди къейднавайбуруз;

— инвалидвал авай ватандашриз ва инвалидвал авай аялриз;

— яшариз килигна пенсиядиз фенвайбурувай пулсуз путевка а дуьшуьшда къачуз жеда хьи, эгер адан гьакъиндай региондин законодательствода кхьенваз хьайитIа.

«ЛГ»