Парс Европада, Туьркияда, Къазахстанда экъечIзавай адетдин набатат я. Парсар генг чуьллера, тамун турпагъра, рекьин къерехрани дуьшуьш жеда.
Адан кьакьанвал 120 сантиметрдив кьван агакьда, набататдин тан жегьревални фичIивал какахьай ва цуьквер хъипи рангаринбур жеда. Парс июндинни июлдин варцара цуькведа жеда.
Са итижлу делилни малум я: вилик вахтара Эрменистандин хуьрера яшамиш жезвай жегьилри парсарин мижедикай кендирагъар туькIуьрзавай. И кар патал набататдин атIанвай танарикай миже хкудзава ва ам шуьшедин истиканда хуьзва. Кьурурайдалай кьулухъ ам къадгъунна алудзава ва кубикар хьтин кIалубар арадиз гъизва.
Парсарин векь официальный дарман хьиз тестикьарнавачтIани, адан дувулдикай гзаф уьлквейра пегьриздин тIуьнин еринда менфят хкудзава. Парсарин дувулар иллаки чпин артухан заланвал кьезилариз кIанзавайбуруз теклифзава.
Инсандиз гьар юкъуз герек жезвай хийирлу микроэлементрилай, витаминрилай гъейри, парсарин дувулрик диабетдихъ галаз женг чIугвадай такьатарни ква.
Эгер парсар себеб яз агъургъан акъатиз хьайитIа, ахьтин ксариз абур ишлемишун къадагъа я. Идалайни гъейри, пешекарри тестикьарнавайвал, кIвачел залан дишегьлийрини, пуд йис тамам тахьанвай аялрини парсар ишлемишна виже къведач. Гьавиляй абурукай хийир къачуз кIанзавайбур кар чидайбурал алукьун важиблу я.
«Лезги газет»
