—           Пакистан Кьиблепатан Азиядин уьлкве я. Меркез — Исламабад.

—           Пакистандин умуми майдан 803940 квадратдин километрдикай ибарат я. Ана 243 миллиондив агакьна инсанар яшамиш жезва.

—           Пакистандин саки са пай агьалияр пенджабвияр я.

—           И уьлкведа урду ва ингилис чIалар кьилинбур я. ЯтIани, агьалийрин тахминан 48 процент пенджаби чIалал рахазва.

—           Пакистан мусурманрин уьлкве я. Анин агьалийрин 96 процент мусурманрикай ибарат я.

—           Исламдин къанун и уьлкведа 1991-йисуз кьилиндаз элкъвена.

—           Эхиримжи са шумуд йисуз Пакистандин савадлувилин дережа 250 процентдин хкаж хьана.

—           Пакистан ядерный яракь авай исламдин сад лагьай уьлкве я. Анаг ихьтин дережадиз 1998-йисуз акъатна.

—           Исламабадда авай Шагь-Фейсал мискIинда 100 агъзур кас гьакьзава.

—           Пакистандин агьалийрин са пай кьван савадлубур яз гьисабзава.

—           2010-йисуз ятар акьалтуникди Пакистандиз еке зиянар хьана.

—           Миллиондилай гзаф ксар Пакистандиз Афгъанистандай фенва.

—           Пакистандин лап чIехи шегьер Карачи я, ана 13 миллион кас яшамиш жезва.

—           Пакистанда 150-далай гзаф аэропортар ава.

—           Пакистанда гьасилзавай кьилин суьрсетрик къуьл, шекердин нацI, памбаг ва дуьгуь акатзава.

—           Уьлкведа 50-далай виниз университетар кардик ква.

—           Кьве пакистанвиди Нобе­лан премия къачунва: Малала Юсуфзая ва Абдус Салама.

—           Пакистанда килигуниз лайихлу, надир чкаяр, затIар гзаф ава.

«Лезги газет»