И йикъара Махачкъалада, Рос­гвардиядин Дагъустан Рес­пуб­­ликада авай Управленидин­ ОМОН­-дин «Горец» базада, аялар патал ачух ракIаррин югъ тешкилна.­ Мяре­катдин вилик же­гьил мугьман­ри къуллугъдин везифаяр­ кьилиз акъуддайла те­леф хьанвай­­ ОМОН-дин къуллугъчийриз­ хкаж­навай мемо­ри­ал­дал цуьквер эцигна­. Отряддин­ ко­мандир­дин замес­титель Ш.Юсуп­къа­диева ОМОН-дин тарихдикай­, гьар йи­къан кIвалахдикай суьгьбетна.

ОМОН-дин къуллугъчийри­ ая­­лар женгинин яракьдин ва махсус техникадин выставкадихъ галаз танишарна. Аялриз Росгвардиядин махсус подразделенийри чпикай менфят къачузвай автоматрихъ, тапанчийрихъ, снайперрин винтовкайрихъ галаз мукьувай таниш жедай мумкинвал хьана, къуллугъчийрин парталар абуру чпел алукIна. Абуру яракьдикай авур суьгьбетрихъ еке ашкъидивди яб акална. Махсус техникадин выставкада школьникриз женгинин транспортдин жуьрейрикай малуматар чир хьана. БТР-дин ва «Тигр» бронеавтомобилра аваз шикилар яна. Эхирдайни ОМОН-дин векилри аялар  чпихъ галаз саналди къуллугъ кьиле тухузвай гъвечIи дустарин – кинологиядин  къуллугъдиз мугьманвилиз тухвана.

Чи мухбир