Каспийск шегьердин 2-нумрадин юкьван мектебдин 11-классдин ученик Саид Азизова “Искусственный интеллект” профилдай кьиле фейи Милли технологический олимпиадада кIвенкIвечи чкайрикай сад кьуна. Къейд ийин хьи, мярекатдин финалдин акъажунра Урусатдин 22 региондай, Азербайжандай, Белоруссиядай, Индиядай, Къазахстандай ва Къиргъизистандай 99 школьникди иштиракна.
КIвенкIвечи чкаяр кьурбуруз 150-500 агъзур манатдин кьадарда аваз пулдин пишкешар гана. РФ-дин кьилин вузрик экечIдайла, абур патал тайин кьезилвилер тешкилда.
РикIел хкин, Азиз Саидован бине Ахцегь райондай я. Шаз ам кьиле авай десте (аник уьлкведин жуьреба-жуьре регионрин мектебра кIелзавай школьникар квай) «Искусственный интеллект» профилдай кьиле фейи международный конкурсда гъалиб ва 1 миллион манатдин кьадарда аваз пулдин пишкешдиз лайихлу хьанай.
Чаз Саид Азизовахъ мадни еке агалкьунар хьана кIанзава.
«Лезги газет»
