Алатай гьафтеда Дербентда,  «Нарын-къеле» цитатель» архитектурадинни археологиядин комплексда, Россиядин Федерациядин лайихлу художник­, Россиядин художествойрин академиядин член-корреспондент, Моск­­вадин художникрин союздин член, Гьуьр­метлу академик, Дуствилин­ Ордендин сагьиб, чи ватанэгьли Къарахан ­Сефербегован выставка­ ачухна. Ида­кай чаз Дербент шегьер­дин администрациядин пресс-къул­лугъди хабар гана.

«Изобразительный искусствода адетар ва алай аям» лишандик кваз тешкил­навай выставкада Къ.Сефербегова жуь­реба-жуьре жанрайра ва уьмуьрдин­ жуь­реба-жуьре йисара кхьенвай 30 кIва­лах раижнава. Абурун чIехи пай лагьайтIа, художникди Кьиблепатан Дагъустандин­, вичин хайи ерийрин тIебиатдиз ва культурадиз, кьилди­ къачуртIа, Самурдин­ на­дир тамуз бахш­нава. Къ.Се­фербеговаз экспрессионизмдин жуьре хуш я. Ада пей­зажар, натюрмортар, дишегьлийрин­ суьретар чIугвазва. Чи ватанэгьлиди гзаф чкайра сиясатна ва Европада, Индияда, Китайда, Вьетнамда, Тайландда ва маса уьл­квейра шикилар чIугуна. Художникди къейдзавайвал, ам вичин вири уьмуьрда цIийи чкайриз килигиз ва анра хайи Дагъустандихъ галаз танишариз чалишмиш жезва.

Россиядин ва международный выставкайрин иштиракчи, вичин кIвалахри дуьнь­ядин машгьур музейрин коллекцийра чка кьунвай Къарахан Сефербегован выставка Дагъустанда сад лагьай сеферда ачухнава. Адаз лишанлу и вакъиа тебрик ийиз Дербент шегьердин кьил Рустамбег Пирмегьамедов, Да­гъустан Республикадин Об­щественный палатадин член Шуми Шабатаев, РД-дин туризмдин ва халкьдин художественный сеняткарви­ле­рай министрдин заместитель Мегьамед Гьабибулаев, художникдин багърияр, ярар-дустар, гьакI шегьердин яратмишунрал рикI алай ксар атанвай. Кьуьлердай «Каспий» госансамблдин коллективди, Дер­бентдин музучилищедин ­педагогри, Да­гъустандин­ халкьдин манияр тама­маруналди,­ художник­диз выс­­­тавка мадни эсер­­­лудаказ nеб­­­рикна­. Дер­бентдин­­ му­зей-заповед­­­ник­дин ди­рек­тор­ Велиюлла­­ Фа­та­лиеван­ тIва­руни­хъай­­ автордиз Чухса­гъул­­дин чар ва рикIел аламукьдай пишкешар гана.

Винидихъ тIвар кьун­вай чешмедин­ ма­лу­мат­да мадни хабар ганвайвал, 26-июлдиз Къарахан Сефербегов кIва­лахда къазанмишнавай агалкьунрай ва яргъал йисарин гьакъисагъ зегьметдай государстводин шабагь — «Дагъустан Рес­публикадин вилик лайихлувилерай» Орден — гуниз къалурнава.

Къейд ийин хьи, художникдин выставка 8-августдалди давам жеда.

Рагнеда Рамалданова