Квез чидани?
. Бурандик Т витаминни ква, ада бедендиз залан тIуьн цIуруриз куьмек гуда.
. Чилел алай набататрин алем гзаф девлетлуди ва жуьреба-жуьреди я. Абурук неинки менфятлубурни гуьрчегбур, гьакI зегьерлубурни ква. Мисал яз, «молочай лорель» набатат-цуьк винел патан акунрай гзаф гуьрчегдиз аквада. Ам виридалайни гзаф зегьерлу 10 набататдикай сад я. Эгер инсанди адан са шумуд емиш тIуьртIа, кьиникьикай къутармишиз хьун мумкин туш.
. Кактусар инсанрилай гзаф яшамиш жезва. Цуьк акъудун патал и набататри «сабурлувилелди» гзаф йисара хъсан шартIар вилив хуьда.
. Седефган (пижма) цуькведи гьалимайрин тIям хъсанарзава. ГьакIни ада гьашаратрикай хъсандиз хуьда – хамунивай са жизви гуьцIун бес жеда.
. Пешекарри тестикьарнавайвал, бязи тарар 8-9 агъзур йисуз кьван яшамиш жезва.
. «Дельфиниум» тIвар алай набатат инсан патал пара хаталуди я. Адан таза пешер, тум ва куркурар тIуьна виже къведач.
. Шалфей дармандин лап къиметлу набататрикай яз гьисабзава. Адак са шумуд жуьредин азарриз аксивалдай такьатар ква.
. НекIедин хъач (одуванчик) тIуьниз ишлемишзавай хъчарикай я. Адакай сагъарунин карда гзаф хийир къачузва. Кьилди къачуртIа, и набататди беден зиянлу затIарикай михьи ийизва, гьакIни ивидик шекер ва холестерин къайдадиз гъизва.
«Лезги газет»
