Мукъаятвал квадармир
РД-дин МВД-дин Госавтоинспекцияди хабар гузвайвал, 2-декабрдилай 8-декабрдалди Дагъустандин мулкара арадал атай 14 ДТП тестикьарнава.
Улакьар гьалзавайбуруз датIана мукъаятвал хуьниз эвер гузватIани, рекьерал аварияр йикъалай-къуз артух жезва. Гьафтедин муддатда хьайи аварийрин нетижада 3 кас телеф хьана, 17 касдал — хирер.
МВД-дин къуллугъчийри дагъустанвийриз, мугьманриз рекьерин къайдайрал амал авуниз мад сеферда эвер гузва. Куьн ва багърияр хуьх!
«ЛГ»
