Телефон чуьнуьхна
Махачкъаладин Ленинан райондин полициядин отделдиз 56 йисан яшда авай чкадин агьалиди вичин телефон чуьнуьхнавайдакай хабар гана. Тахсиркар жагъурунин серенжемар кьиле тухвайла, полициядин отделдин участковый уполномоченный, лейтенант И.Агьмедова шак физвай кас тайинарна — Къайтагъ райондин 44 йисан яшда авай агьали. Вилив хуьн тавур кар ам хьана хьи, шак физвайди лалди тир. Арадал атанвай агьвалат ахтармишун патал махсус таржумачи кьуна.
Нетижада малум хьайивал, шак фенвайди са йикъан вилик шегьердин са мискIиндиз фена, анай са касдивай телефон тIалабна. Ам капI ийиз фейила, телефон къачурди чкадилай катна, чуьнуьх хьана. Гуьгъуьнлай ада телефон маса гана, арадал атай пул вичин игьтияжриз харжна. Телефон вахчуна ва иесидив вахкана.
«Лезги газет»
