Квез чидани?

Гренландия спортдин жуьрейралди, туризмдалди машгьур чка я. Бязи чешмейри тестикьарзавайвал, инсанрин гьерекатри са акьван чIур тавуна амай тIебиат ава Гренландиядихъ.

Ина 30-40 метрдин деринвал авай муркIадин кIам ава. Дуьньядал алай итижлу чкайрикай сад яз гьисабзавай и чкадин тарихдал асаслу яз, исятда дерин кIам арадал атанвай мулкар виликдай тамамдаказ живеди кьунвай.

Виридалайни чIехи остров тир Гренландия гзафбуруз муркIари кьунвай, затIни экъечI тийир чка яз чида. Гьакъикъатдани, островдин мулкарин 80 процент муркIарин яцIу къатари кIевирнава. Гьа са вахтунда аниз лап гзаф туристар физва. МуркIадин дерин кIам инсанри виридалайни гзаф шикилар язавай чка я. Вили рангунин яд авай и кIама Гренландиядин кит, тюленар ва моржар яшамиш жезва.

«Лезги газет»