Замбияда Урусатдин Векил, лезги халкьдин кьегьал хва Азим  Алаудинович  Ярагьмедоваз:

Лезги чилел чIехи хьайи зирек хва,

Чи Ватандин даях хьанвай  дестек хва,

Мадни артух хьуй ви кесер,  гьунарар,

Герек чIавуз жезва вакай  куьмек, хва.

Замбиядиз вун кьисметди акъудна,

Хайи накьвар гьич рикIелай алуднач,

Бейнидавай ватанперес гьиссери

Шумуд халкь къе багърияр хьиз агудна!

Чандин сагъвал гьулдан хьиз лап мягькем хьуй,

Вун чи кьегьал бубаяр хьиз уьтквем хьуй.

Четинвилер ацалтай гьар легьзеда

Лезги чIални хайи чил ваз  мелгьем хьуй!

Ваз хайи югъ мубаракзавай “Лезги газетдин” редакциядин коллектив