Татархан хуьре яшамиш жезвай агъсакъал, чIехи хизандин кьил Жамал  Бабашеваз:

Мубарак хьуй юбилей ваз,

Дагъларин лекь, зи дуст Жамал

Яргъал уьмуьр, чанни сагъ яз,

Гележег рехъ рикIе багъ яз,

Шаддиз хьурай гуьгьуьл, Жамал!

 

Татархан хуьр я ви бине,

Дерин тарих хуьзва куьне,

Меденият кьуна вине,

Межлисар шад тухуз хуьре,

Чанда мани, кьуьл хьуй, Жамал!

 

Лезги ханум Ширината ваз

(Ви уьмуьрдин гуьзел аваз)

Вад хва гана са рушни галаз,

Даим шад я, куьн сагъ акваз,

Хтуларни къужахдаваз,

Къуй бегьерар бул хьуй, Жамал!

 

Къурмишнава межлис чIехи,

Ярар-дустар, мукьва-кьили,

Лугьуз тостар, шад яз вири,

Ашукь Айдун лугьуз мани,

Мубаракиз и югъ, Жамал!

70 йисан юбилей тебрикзавай ашукь Айдун ва дустарин десте.