РД-дин Кьил Владимир Васильева 2018-йисан 25-декабрдиз акъудай Указдалди бажарагълу шаир, Сулейман-Стальский райондин культурадин управленидин начальник Майрудин Бабаханович Бабахановаз  “Дагъустандин халкьдин шаир” лагьай гьуьрметдин тIвар ганва.

Сулейман-Стальский  райондин Пипер хуьре дидедиз хьайи  ада Тагьирхуьруьн-Къазмайрал юкьван школа, Махачкъалада ДГУ-дин филфак акьалтIарна. Шиирар ада школада амаз кхьизвай. Критикада къейднавайвал, вичихъ тешпигь авачир хьтин бажарагъдин сагьиб са шумуд ктабдин  автор, Дагъустандин комсомолдин, “Шарвили”  фондунин, Гьажибег Гьажибегован  тIварунихъ галай премийрин   лауреат я.

Чна М.Б.Бабахановаз къачунвай цIийи дережа рикIин сидкьидай мубаракзава:

Ракъинин сухта —

Бахтариз уртах!

Мад гегьеншдиз яхъ

Ви руьгьдин утагъ!

“Лезги газетдин” редакциядин коллектив.