И йикъара Сулейман-Стальский райондин кьил Н.Абдулмуталибов ва инвестор Марат Шайдаев Цмур хуьруьн мектеб патал эцигнавай актовый залдиз ва пищеблокдиз килигна. Идакай «Лезги газетдиз» райадминистрациядин пресс-къуллугъди хабар гузва.

Къейд ийин, актовый зал ва пищеблок муаллимар патал эцигнавай 9 квартирадикай ибарат тир кlвалин сад лагьай мертебада ава. Объектрин гьал ахтармишай вахтунда абур мектебдин комплексдихъ галазни таниш хьана, дараматдихъ галай мулкаризни килигна. Кlуьд квартирадикай ибарат тир, алай аямдин кlвалин дарамат муаллимар патал къулайди я. Сад лагьай мертебада авай актовый зал ва столовой аямдин технологиядалди тадаракламишнава. Кьуд лагьай мертебада мугьманар патал утагъар ава.

Инвестордиз и кlвалер гьакъикъи агалкьунар къалурдай ва 10 йисуз хуьре кlвалахдай муаллимрив вугуз кlанзава. Алай вахтунда и дараматдин патав аялар къугъвадай майдан туькlуьрунин кlвалахар саки акьалтlарзава.

Цмур хуьр абадвилихъ тухунин карда Марат Шайдаева ийизвай крариз еке къимет гуналди, райондин кьил Нариман Абдулмуталибова адаз чухсагъул малумарна.

Гележегда Марат Шайдаеваз хуьре багъманчивилин хелни вилик тухуз кlанзава. Алатай йисуз Цмур хуьре М.Шайдаеван такьатрихъ Цмурдал 40 гектардин майданда кlерецрин багъ кутуна.

«Лезги газет»