Кьурагь райондин центрада Халкьдин садвилин йикъаз талукьарнавай шадвилин мярекатар кьиле фена. Кьурагьрин гегьенш майдандал и юкъуз кlватl хьанвайбуруз райондин кьил З.Азизован патай тебрикдин гафар хатасузвал хуьнин рекьяй райондин кьилин заместитель А.Исаева лагьана.
Райондин администрациядин культурадинни туризмдин центрадин коллективди мярекатдин иштиракчийриз концерт гана.
Мектебра кlелзавайбуруз ватанпересвилин тербия гунин макьсаддалди 25-октябрдилай 2-ноябрдалди мектебра пландин бинедаллаз серенжемарни кьиле тухвана. Вири и мярекатар Халкьдин садвилин йикъаз талукьарнавай.
Райондин администрациядин пресс-къуллугъди хабар гузвайвал, тарихдин муаллимри классрин руководителрихъ галаз «Игитралди машгьур я вун, Россия», «Сад тир руьгьдалди къуватлу я чун» ва маса тарсар кьиле тухвана. Идалайни гъейри, райондин вири ктабханайра Халкьдин садвилин йикъаз талукь выставкаяр тешкилна.
«Лезги газет»
